 |
هلوساتي |
 |
 | |||||||||||||||||||||||||||||||||||||||||||||||||||||||||||||||
تدرون وش الحل لحالتي ....... اني ابعد عن اهلي ... لقيت ان اغلب مشاكلي هي اهلي .... من جد انا حزينه اني اقول ان اهلي هم السبب بس هذي الحقيقه بكره بابا بيروح الرياض وراح اطلب منه انه يروح جامعه الملك سعود يشوف اذا اقدر احول عندهم حتى لو اكون بصفه زائر لمده سنه ان شا الله تتحسن نفسيتي بعيد عن اهلي .... مدري هل اللي افكر بيه صح والا انا غلطانه .... الوقت اللي يحدد كل هالامور ........اذا في هالسنه تعد مستواي باقعد في الرياض واكمل دراستي هناك واذا لا اقدر ارجع السنه اللي بعدها واكمل عادي .... يا رب اكون صح ..... لان نفسي استقل بحياتي بعيد عن اهلي ... لانهم للاسف ما فهموني صح .... اخاف اجازف واتورط خلوني اجرب ما وراي شي لازوج ولا ولد ولا تلد ... زي ما يقولو..... والدنيا تعلمني يالله خلوني الحين اروح اذاكر قد طلعت اللي في راسي معاكم ....
كان الاسبوع الماضي شوي حلو ... ما في تحطيم نفسي من قبل نفسي طبعا .... صرت احطم نفسي بنفسي .... تعرفون الواحد اذا طول الوقت قاعد يتحطم من اقرب الناس له وبعد فتره سكتوا وما عاد حطموك يصير عندك .... ؟؟؟؟ وش يصير هههههه والله اني مخرفه موب عارفه وش قاعده اكتب المووووهيييم الحمد لله ذاكرت الترم الثاني وطولت فيه المشكله الترم اللي لسا متذكرتو اطول فيه اجل وشلون اللي ناسيه ام ابوه مدري ليش الامهات دائما في صف الاولاد ... والله قهر ..... المهم امي زعلت مني اليوم وطبعا ماماتي ما تزعل زعل بسيط ونسى ..هههه ما عمرها تنسى وتقعد زعلانه وما تكلمني لاسابيع وممكن لشهور وياليت ذا رحت اتسامح منها تسامحني الا بالعكس تقلبها مضاربه وزعل ونزيد الطين بله فما عمري اروح اتسامح منها طبعا قررت اني اختبر هالماده ونشوف اذا نجحت اكمل في الطب واذا لا الله يستر...... اخس اخس صيفيه هذي ................ اعرف ان كلامي مو مرت ومضيعه حبتين بس لاني زعلانه وافكاري مشتته ... ما ادري ليش اكتب .................................... .. . .. .. ..
قعدت اقرا في كتب كثيره مثل " غير اسلوبك، اعرف ما تفكر فيه ، القدره الذهنيه الخارقه ،اسعد امراء في العالم ، اذا كان النجاح لعبه فتلك هي قوانينها " وكثير من الكتب اللي تتكلم عن تغيير الاسلوب البرمجه اللغويه العصبيه بس تعرفون ليش ؟؟ انا اقولكم لاني احس انو شخصيتي اللي الحين موب انا .... مدري ليش احس انو ران هذي موب انا في شي تغير صح اني 20 لو نحذف 5 سنوات بدايه العمر يبقى 15 سنه .... هال15 صح سنوات قليله بس غيرت فيني شياء واجد .... تصوَروا من سنه الى سنه اتغير جذريا ... ما ادري ليش؟ والحين ...... امممممممم ..... ما ادري ايه ما ادري صرت 20 ولسا مادري ، يمكن يقول البعض بدري عليكي لسا الدنيا حتعلمك ويمكن يقول البعض للحين ما تدري ؟؟؟ والله فيكي شي ما يهمني مما كان الراي الأخر فيني بس اللي أهتم رايي في نفسي .. انا مو راضيه عن نفسي ... طيب ليش مو راضيه .؟؟ لاني كنت بالاول بنت ما اقول كامله بس كنت اشوف نفسي كامله كنت فخوره بنفسي بأعمالي بطموحاتي حتى بعيوبي .. كنت اشوف عيوبي سمه فيني تميزني ..... اما لحين زي ما تقولون احاول استرجع ماضي مفقود ... طعم النصر ... حلاوة الحياه ... جمال اليوم حتى بمرورته .... ااااااهـ ..... والله تطلع من فمي كان قلبي انعصر لين نشف من الدم ..... اصعب شي في هالدنيا انو الواحد يحس انو تايه تااااايه .... لا دليل ولا مرشد ولا حتى نفسي ... واللي محزني اكثر انو صعبت علي نفسي ... ايه ارحم نفسي .. وش بعد يا رانووووو .... احلى شي بعد كل هذا الحزن اني لسا احب ادلع نفسي واغنجها ..... يا حليلك يا ران اظن اني حطيت كل اللي براسي اليوم ... وانا عارفه اني اكذب على نفسي لان في قلبي اشياء كثيره لهاليوم يمكن ما احب اكتبها او اني اخاف منها او اخاف احد يعرفها او ما احب اكبها عشان ما تقعد ذكرى لي وتنطوي ما دائره النسيان .. وهالشي كمان قاعده اكذب على نفسي لاني مستحيل انسى أي شي أي شي المووووهيم انا اقعده اكتب الحين وانا في الحديقه على كرسي هزاز تعرفون اذا الواحد قاعد في كرسي هزاز كيف تطلع منو الافكار بشكل عفوي ومن غير ما يقعد يرتبها اسمي هالكرسي كرسي الرومانسيه لاني كنت ولازلت اقعد فيه انا وصاحبتي ونتكلم في كل الرومانسيا اللي في هالدنيا ... هههه يعني لسا فيني حس الرومانسيه مو كل شي ضاع مني .... والسماء طبعافوقي ما حتكون تحتي كل شويه اناظر لها واقول لنفسي اييييييييه يا دنيا بكره بنشوف السماء حلوه زي اليوم والا لا .. ... ايييه وش صغري في هالدنيا يا ترى بيكون لي مكانه ويا ترى باموت ويعقد لي شي يتذكرني فيه الناس والا لا ..... كثر التفكير في هالشي موب زين لي انا بالذات لانو في الاخير بانكد على نفسي ..... شكلي باروح انام قصدي اتغصب النومه كالعاده تصبحون على .......
29 /6/2006 ثلاثاء بعد تجربه رسوب سنه ثانيه في الطب واعادتها وبعد هذا ارسب بعد في البايو وانجح في الاناتومي ، صار عندي شك في مقدرتي اني اكمل الطب من دون ما ارسب في ماده عشان كذا قررت اني اترك الطب واحول الى قسم ما يطلع من الطب بس يكون اسهل علي للحين ما في احد من اهلي يبي يساعدني كل ما اشتكي عند احد يقول لي كملي الطب بلا دلع وش فيها يعيني لما رسبتي ، هم ما فهموا قصدي الى الحين . في علامات في هالدنيا ترشد الواحد طريقه وتنبهه اذا هو في الطريق الخطا ، مثلي انا الحين اول العلامات اني رسبت لو اني نجحت في السنه اللي عدتها بدرجات متميزه كان قلت كبوه جواد بس همن بعد ما كان عندي الا مادتين في هالسنه ونجحت بس في ماده بالله وش يدل هذا؟؟؟ والله ما ادري وش اسوي محدن واقف معاي ولا احد اعطاني المشوره الصح.... بعض الاحيان احس انو يبي لي اروح عند دكتور نفسي من كثر الضغوط اللي في راسي لاني صرت افكر بطريقه مجنونه حرمتني من اني انام زي خلق الله الى الحين موب عارفه وش ابي وش اهدافي ايش طموحي لهالدنيا... صرت احس بعض الاحيان انوو مالي داعي في هالدنيا كل شغلتي آكل وانام و اصوم واصلي وادعي ربي وما يستجاب لي شكل ربي غضبان علي لي 3 سنين وانا اصحى من نومي واسال نفسي وش تبين في هالدنيا يا ران ؟؟؟؟ ابي اجرب شي غير الطب يمكن ترتاح نفسيتي .. ابي اجرب شي ثاني ... المشكله الكبرى اني بنت .. ايه بنت ما اقدر اسوي شي بنفسي كل ما اتصل على احد يقول خلي ولي امرك يمرنا والا ولي امرك يتصل وحتى لو ابي اسافر استفسر لام ولي امري وش هالحاله ولي امري براسه محبطني موب مخلي لي امل اني اجرب شي ثاني
طيب والحل ؟؟؟؟؟ لو عندي الحل ما كان كتبت الحين وطلعت همي في هالكتابه ابو الذل بس ..............
<- الصفحة السابقة | الصفحة التالية -> |
|||||||||||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||||||||||
.....
.....
الله ييسرها .... بعد اسبوعين اختباري ... هالصيفيه كلها الحمد لله ما زعلت امي وهذا اهم شي الا اليوم